Eusko Jaurlaritzak bultzatutako Euskadi Informazio Gizartean Planaren barruan, Eusko Jaurlaritzaren Industria, Merkataritza eta Turismo Sailak, Foru Aldundiekin eta beste zenbait erakunderekin lankidetzan, "Enpresa Digitala" izeneko ekimen berri bat jartzen du martxan. Bere helburu nagusiak dira informazio eta komunikazio teknologia berrien bitartez enpresa lehiakortasunaren hobekuntza sustatzea, eta, denbora berean, negozio berriak Sarean sortzen laguntzea ekonomia berriko profesionalak gaituz eta lagunduz, beti ere hazkunde ekonomikoaren ezaugarri bereizgarri bezala.

NORI ZUZENDUTA DAGO?

Enpresa Digitala enpresei eta profesionalei zuzenduta dago bereziki, batez ere euren negozioetan informazio eta komunikazio teknologia berriak aplikatu nahi dituzten enpresa txiki eta ertainei, eta baita ere Interneten erabilera intentsiboan oinarritutako edozein negozio berrirako ideia garatu nahi duten ekonomia berriko promotore edo ekintzaile guztiei.