NOLAKO ZERBITZUAK ESKAINTZEN DITU?

Bilatzen diren helburuak lortzeko, hiru elementutan oinarritutako prozesu bat bultzatu behar da: sentsibilizazioa, prestakuntza eta laguntza, hala dagoeneko lanean ari diren enpresen lehiakortasuna hobetzeko nola enpresa berriak sortzeko.

Beraz, Enpresa Digitalak prestakuntza ekintzak bultzatuko ditu Euskal Autonomia Erkidegoko hiru herrialdeetan burututako ikastaro, mintegi eta jardunaldien bitartez.

Era berean, tresna, metodologia eta laguntza programak landuko ditu interesatuta dauden enpresei aukera emateko azkarrago egin dezaten informazio eta komunikazio teknologietarako bidea, era horretan euren lehiakortasuna hobetzeko; orobat, negozio berriak sortzeko guneak eta bitartekoak jarriko ditu interesatuen eskura.