Eskaini nahi diren zerbitzuak, negozio digitaletara bideratutako inkubagailu batek eskaintzen dituenak eurak dira, hots, prestakuntza ematea enpresari berriei eta ekonomia digitalak eskaintzen dituen negozio aukera berriak aprobetxatzeko gai izango den enpresa sare berri bat garatzeko behar diren laguntza tresnak eskura jartzea.

Aholkularitza (proiektuaren definizioa, bideragarritasun plana).

Martxan jartze faseko tutoretza

Prozesu eta teknologiei buruzko prestakuntza espezifikoa. Enpresari berriak gaituko dira negozio elektronikoaren testuinguruan enpresa ekimen berriak martxan jarri eta esplotatzeko behar diren teknologia eta kudeaketa prozesuetan.

Azpiegitura (softwarea eta hardwarea), hosting, ASP eta antzeko zerbitzuen bitartez.Enpresa ekimen berriek behar duten euskarri eta laguntza teknologikoa emango da eta gune teknologikoak eskainiko zaizkie negozio eta zerbitzu berriak garatzeko.

Finantzaketa

• Laguntza programa instituzionalak.
• Berrikuntza fondoa (prototipo faserako)
• Arrisku kapitala (espezifikoa era honetako proiektuetarako)

Zerbitzu sare bat sortzea. "Atari ekintzailea"k laguntza sistemak eskainiko dizkie ekintzaileei, "enpresa mintegiei" eta Euskal Teknologia sareari, eta bideak jarriko dira, gainera, erreferentziazko dokumentuak eskuratu eta erabiltzeko.