Bilboko informatikari honek bideoa Interneten jarri duen enpresa iraultzaileenetako batean dihardu lanean, Silicon Valley-ko Kyte.tv-n alegia. Konpainia honek aukera ematen die bezeroei telefono mugikor batetik telebista kateak ikusi eta sortzeko, eta horrek, besteak beste, Telefónica, Swisscom, Nokia, NTT Docomo edo Skype-ko sortzaileen arreta erakarri du. San Frantziskon bizi da eta han bizitzeak teknologi panoramari buruzko ikuspegi osotuagoa ematen dio. (Elkarrizketa hau Skype-n bitartez egin zen)

Cristina Saur, Silvia Monreal, Gonzalo Urriza eta Amaya Montoya dira On Global Language Marketing enpresaren sortzaileak. Gasteizko enpresa hau bigarren geratu da Araba Enpresa Digitala sarietan. Laurek ikasi zuten Itzulpengintza eta Interpretazioa eta bost hizkuntza hitz egiten dituzte denen artean.

Javier Larrinaga euskalduna Microsoft programa batzuen, eta gehienbat Office-n, alor linguistikoaren arduradun nagusia da. Bost urte daramatza erraldoi informatikoak Redmond-en (AEB) duen egoitzan lanean. Aurretik, e-inicie enpresan lan egin zuen, Gipuzkoako Igarle eta com&media enpresek osatutako software factory-an, eta bere startup-a ere sortu zuen: Videoactiva.

Javier García Sedano fisikaria da eta aditua industri prozesuei aplikatutako jakintzaren eta adimen artifizialaren ingeniaritzan. Orain gutxi bere enpresa, CPI Technologies, abian jarri du Leia zentro teknologikoaren laguntzaz. Enpresa berriaren xedea da produktu horiek garatzea Euskadin. Proiektu honi esker, Javier García Sedanok Arabako Ekintzaileen V. Lehiaketaren lehen saria irabazi du.

Enpresa Zientzietako ikasketak bukatu zituenetik, 33 urteko gasteiztar hau Interakzio Arloko merkataritza elektronikoko enpresei loturik egon da eta gehienbat AreaPC-n aritu da. 2006an PC City-k xurgatutako AreaPC konpainia utzi eta FitnessBit-en (bere startup-a) sartu zen buru belarri.

Edatalia data solutions (letra xehez) Gipuzkoako enpresa bat da, batez ere antolakundeen sinadura eta fakturazio elektronikoak hedatzera dedikatzen dena. Enpresaren sustatzaile nagusia den Pedro Bastarricak hainbat urtetan lan egin du Accenture-n, finantza sektoreko bezeroekin gehienbat.

Hogeita bost urte bete berri dira Gaia enpresa elektronikoko elkarte bezala sortu zela 80ko hamarkadako krisi garairik gogorrean. Elkarrizketa honetan haren presidenteak azaltzen digu zein izan den kluster honen ibilbidea —bertan bildutako enpresek aurreko urtean baino %22 gehiago fakturatu dute 2007an— eta zeintzuk diren gizartera irekitzeko abian jarriko dituen hurrengo planak. Beharbada horregatik Santiagok, ZIVren presidentea ere badenak, etengabe darabiltza bere solasean lankidetza eta berrikuntza hitzak.

Hominex modan dagoen berrikuntza kudeatzeko softwarea garatzen duen enpresa bat da. Josu Saseta, informatikoa eta MBA Este Unibertsitatean, da enpresaren sortzaileetako bat. EKD-n berrikuntzako eta jakintzaren kudeaketako aholkulari zela ohartu zen Josu Saseta produktu hauek izan ditzaketen aukerez. Eta, hala, Jon Aristi bere egungo bazkidearengana jo zuen honelako softwarearekin lanean ari zelako Ipar Amerikako multinazional batean.

Datinek Enrique Muguerza ingeniariak 2004ko apirilean sortu zuen enpresa da. Aurretik, Muguerza Getronics enpresaren ipar zonaldeko zuzendari nagusia izan da eta erantzukizuneko hainbat lanpostu izan ditu Syseca, Gedas, Computervision eta HP enpresetan. Datinet-ek Erandion dauka egoitza eta informatikako aholkularitza eta outsourcing-ean aritzen da. Dokumentuen kudeaketaren alorrean, Documentum softwarean adituak diren unitateak ditu, baita Microsoft Sharepoint-aren kudeaketan, informazio geografikoko zerbitzuen (GIS) Esri-n, SAP-en (Sistemak, Aplikazioak eta Produktuak) eta ERP-n adituak direnak ere.

Donostiako hiru informatikari gaztek enpresa bat abian jarri zuten 2003an, EHUko ikertzaile bezala ikuspen artifizialari buruz jasotako ezagutzei etekina ateratzeko asmoz. Horrela sortu zen Innovae Vision, makina eta pertsonen arteko komunikazioa hobetzen aritzen den konpainia.

Rafael Herce Wikipediako euskal liburuzain garrantzitsuenetako bat da, hots, Wikipedia egunero eguneratzen duen pertsonetako bat da. 2005eko azaroan, EITBko lankide batek entziklopedia aske honi buru hitz egin zion, eta harrezkero orduak eta orduak ematen ditu testuak eransten, zuzentzen eta tresna honen etorkizunari buruz eztabaidatzen.

Makina-erremintan espezialista den teknikari honek egun batean interneteko abenturan sartzea erabaki zuen eta Hiruartean jarri zuen abian Oiartzunen; azkenean enpresa hau software librean espezializaturik dagoen Webalianza-n sartu zuen. Orain Gabinete de Gestión-etik ebanjelizatu egiten du eta kudeaketa informatikoko sistemak ezartzen ditu enpresetan.

Deustuko Unibertsitatean lizentziatutako ingeniari informatiko hau Bilbomáticaren bazkide zuzendaria izan da Avalon-en sartu baino lehen. Avalon enpresak Madrilen du egoitza eta zentro operatiboak ditu Bartzelonan, Iruñean eta Bilbon. Orain arte gauzatu dituen proiektu gehienak informatika osasunaren munduan sartzeko ahaleginak izan dira, hala nola, Pista (Industria Ministerioa), Txapela (Nafarroa) eta Osabide (EAE).

Mnemmix, lehengo Llanos & Asociados, Euskal Autonomia Erkidegoan sortu zen 1993. urtean, eta gaur egun Estatuko hardware fabrikatzaile handienetakoa da. Haren negozioa berrikuntzan oinarriturik dago gero eta gehiago, muntatzen dituen makinei balio erantsia emateko.

Deustuko informatikari honek Ceinsa-n lan egin zuen –aholkularitza enpresa honek oso lotura estua zuen unibertsitatearekin- harik eta 1996. urtean Ingecom sortu zuen arte. Gaur, 13 enplegatu dituen eta 2006an %75 hazi zen handizkako konpainia hau kudeatzen du, eta aldi berean eskolak ematen ditu Deustuko Sistema Ingeniaritzari buruzko masterretan.

2001. urtean Ericssonek Zamudioko lantegia ixteko erabakia hartu zuen. Orduan, langile talde batek enpresa berri bat sortzea erabaki zuen Suediako multinazionalaren jarduerarekin jarraitzeko. Langile horien artean Javier Larrucea zegoen, filosofoa eta Nazioarteko Merkataritzako Masterra egina zuena. 54 urte ditu eta egokitutako terminal eramangarriak eta makinen artean komunikatzeko klaberik gabeko gailuak fabrikatzen dituen Owasys enpresaren buru da.

Deustuko Unibertsitatean informatikan lizentziatutako bi emakumek duela urtebete sortu zuten Abirox Informática, saltoki eta enpresa txiki eta ertainentzako kudeaketa aplikazioetan espezializatutako enpresa. Artisautza lana egiten dutela esan dezakegu, bezero bakoitzaren premiak antzeman eta premia horien araberako produktuak eskaintzen dizkiete eta.

Eusko Jaurlaritzak IMI programa sustatu zuen laurogeiko hamarkadan, eta gaur egun informatika arloan diharduten hainbat profesional prestatu zituen programa hark. Juan Carlos García profesional horietako bat da, eta 23 urte daramatza hardware eta software mota guztiez inguraturik. “Ordenagailuak ezagutzeko parada izan dut 8086 haietatik hasi eta Pentium-etaraino, MS-Dos hartatik Windows-eraino, Unix sistemak ere ezagutu ditut, Microsoften Xenix, SCO, Ultrix eta True64 sistemetatik GNU-Linux banaketetaraino”, adierazi du.

28 urteko psikologo honek zuzentzen du Gizakide. Giza baliabideetan espezializatutako aholkularitza zerbitzu honek bezeroak, hautagaiak eta sektoreko profesionalak biltzeko atari bat sortu du. Aholkularitza zerbitzu bateko aukeraketa departamentuan egon ondoren, Susana Ledesma berehala ohartu da teknologia berriek informazioa biltzeko eta bezeroak modu dinamikoagoan lortzeko bide azkarrago bat eskain dezaketela.

Luis Javier Secorentzat iturgintzako famili negozioari loturiko hobby moduan hasi zena enpresa bihurtu da gaur egun eta enpresa honek eraikuntza, obra eta erreformei buruzko informazioa ematen du interneten. Seraikin da enpresaren izena. Partikularrek hainbat gremiotako enpresak kontratatu eta aurrekontuak eska ditzakete ObrasyReformas.com atarian.